Blogg

Hvíta húsið heldur út í heim

Hönnuður

Ágúst Ævar Gunnarsson

Hönnuður
Á dögunum gerðum við samstarfssamninga við þrjár stofur til að geta boðið viðskiptavinum okkar upp á enn breiðari þjónustu. Fyrst ber að nefna FleishmanHillard, sem er PR og samskiptastofa með skrifstofur í yfir 100 borgum í 30 löndum, í sex heimsálfum. Já, sex heimsálfum. Þetta þýðir að með einu símtali getum við komist í samband við sérfræðinga í svo til öllum greinum og um allan hnöttinn sem vinna að því að koma áhugaverðu efni þangað sem það þarf að heyrast.

Á dögunum gerðum við samstarfssamninga við þrjár stofur til að geta boðið viðskiptavinum okkar upp á enn breiðari þjónustu.

Fyrst ber að nefna FleishmanHillard, sem er PR og samskiptastofa með skrifstofur í yfir 100 borgum í 30 löndum, í sex heimsálfum. Já, sex heimsálfum. Þetta þýðir að með einu símtali getum við komist í samband við sérfræðinga í svo til öllum greinum og um allan hnöttinn sem vinna að því að koma áhugaverðu efni þangað sem það þarf að heyrast.

Einnig gerðum við samstarfssamning við tvær minni stofur í London. Við vitum vitaskuld að bestu hlutirnir finnast í minnstu pökkunum og þess vegna heyrðum við í gömlum vinum okkar sem vinna núna hjá The Value Engineers. Þar er unnið að því að kryfja, skilgreina og betrumbæta byggingarefni vörumerkja. Þessir vinir komu okkur svo í samband við Pablo, sem hefur verið ein eftirstóttasta auglýsingastofan í London undanfarin ár. Pablo eru skapandi stofa sem setur góðar hugmyndir ofar öllu og það verður hressandi að vinna með hugmyndafólki á öðru tungumáli fyrir íslensk fyrirtæki

Þessar þrjár stofur, FleishmanHillard, The Value Engineers og Pablo, deila allar ákveðinni hugsjón með Hvíta húsinu. Sú hugsjón er áhuginn á fólki og getan til að gera allt spennanndi. Við vitum nefnilega að það er hægt að fá góða hugmynd fyrir hvað sem er.

Heyrðu í okkur til þess að heyra hvert við getum farið með þínar hugmyndir.


Halldór Guðmundsson

Egill Viðarsson

Í dag kveðjum við í Hvíta húsinu okkar helsta leiðtoga. Að öðrum ólöstuðum hefur enginn haft eins mikil áhrif á hvernig við hugsum og vinnum og Halldór Guðmundsson, sem var framkvæmdastjóri stofunnar í 35 ár og stjórnarformaður í 12 til viðbótar. Við sendum fjölskyldu Halldórs og vinum hlýja strauma og munum halda áfram að reyna að gera hann stoltan og glaðan með verkum okkar um alla framtíð.

Í dag kveðjum við í Hvíta húsinu okkar helsta leiðtoga. Að öðrum ólöstuðum hefur enginn haft eins mikil áhrif á hvernig við hugsum og vinnum og Halldór Guðmundsson, sem var framkvæmdastjóri stofunnar í 35 ár og stjórnarformaður í 12 til viðbótar.  Við sendum fjölskyldu Halldórs og vinum hlýja strauma og munum halda áfram að reyna að gera hann stoltan og glaðan með verkum okkar um alla framtíð.


Við erum öll í sjávarútvegi

Edda Kentish

Sjávarútvegsráðstefnan hefur verið haldin árlega frá 2010 og er einn helsti vettvangur sjávarútvegsfyrirtækja og þeirra sem þjónusta þennan undirstöðuatvinnuveg til að hittast og kynna verk sín og hugmyndir.

Sjávarútvegsráðstefnan hefur verið haldin árlega frá 2010 og er einn helsti vettvangur sjávarútvegsfyrirtækja og þeirra sem þjónusta þennan undirstöðuatvinnuveg til að hittast og kynna verk sín og hugmyndir.

Okkur á Hvíta húsinu finnst þetta frábær samkoma sem ætti allt það besta skilið enda höfum við verið fastagestir á ráðstefnunni allt frá upphafi. Þess vegna ákváðum við að bjóða aðstandendum hennar aðstoð okkar og sérfræðiþekkingu núna í sumar, þegar níunda ráðstefnan stóð fyrir dyrum.  Niðurstaðan var sú að Hvíta húsið gerðist styrktaraðili Sjávarútvegsráðstefnunnar næstu þrjú árin.

Bjarki Lúðvíksson hönnuður tók útlit ráðstefnunnar í gegn, og endurhannaði kynningarefni hennar með miklum glæsibrag eins og sjá mátti í aðdraganda ráðstefnunar, sem að þessu sinni var haldin í Hörpu 15.–16 nóvember sl. Hér má sjá sýnishorn af vinnu Bjarka fyrir ráðstefnuna.

 

sjavarutvegsradstefna1_flogg

 

sjavarutvegsradstefna3_bok

 

radstefna5_bok

 

sjavarutvegsradstefna4

Hvíta húsið hefur langa reynslu af samvinnu við stór og smá sjávarútvegsfyrirtæki, sem og fyrirtæki sem veita þeim þjónustu á öllum sviðum. Þess vegna var ekki úr vegi að við sjálf værum með bás á ráðstefnunni til að hitta nýja og gamla kunningja. Básinn okkar og kynningarefni benti þeim sem vildu vita hvað við höfum upp á að bjóða.

 

radstefna4_bas

 

radstefna_6

 

radstefna8_vidmot

 

radstefna7_harpa

 

hvitahusbas1

 

hvitahusbas2


  • Myndmerki TERN Systems verðlaunað

    Nýverið hlaut merki sem hannað var hér á Hvíta húsinu verðlaun í WOLDA – Worldwide Logo Design Award.
    Nánar
  • Hvíta húsið tilnefnt til alþjóðlegra auglýsinga­verðlauna

    Auglýsingar Klúbbsins Geysis um geðheilsu hlutu í haust tilnefningu til Global Awards, sem verðlauna framúrskarandi auglýsingar um heilsu og vellíðan. Hvíta húsið var þar í flokki með alþjóðlegum auglýsingastofum á borð við McCann, Havas og Mullen Lowe.
    Nánar
  • Settu svip á umhverfið

    Bás á ráðstefnu eða vörusýningu – er það ekki svolítið eins og að auglýsa í blaði þar sem eru eintómar auglýsingar? Jú, en samt með þeim fyrirvara að allir (eða flestir) þeir sem sækja slíka viðburði hafa áhuga á því sem verið er að fjalla um. Engu að síður þarf talsvert átak til að fanga athyglina í umhverfi þar sem allir eru að reyna hið sama, jafnvel að tala um sama hlutinn.
    Nánar
  • Er teikning kannski málið?

    Mynd segir meira en þúsund orð. Það eru ekkert margir áratugir síðan „mynd“ þýddi ekki sjálfkrafa „ljósmynd“ í hugum okkar, heldur málverk eða kannski öllu heldur: teikning. Þegar kemur að því að hitta naglann á höfuðið hefur teikningin ennþá oft forskotið sem hún hafði í hellunum þar sem forfeður okkar rissuðu upp myndir af loðfílum og annarri bráð.
    Nánar
  • Samgöngustofa: Bara einn er einum of mikið

    Góð vísa er aldrei of oft kveðin, eins og oft er sagt. Það á kannski ekki síst við ,,eftir einn ei aki neinn”, sem ökumenn þessa lands ættu flestir að vera með pikkfast í minni. En það er þetta með vísurnar og sannindin – það þarf að minna reglulega á þau svo mikilvægi boðskapsins gleymist ekki. Þetta árið ákvað Samgöngustofa því að ráðast í vitundarvakningu og rifja þessi ágætu sannindi upp fyrir ökumönnum landsins. Leitað var í minningabankann og gömul herferð, ,,Bara einn er einum of mikið”, rifjuð upp.
    Nánar
  • VR: Kulnun í starfi

    Þegar það var loksins komið að HM kepptust við auglýsendur vitaskuld um að rúlla út meistaraverkum sem mörg hver tóku á fótbolta í einni eða annarri mynd, og er það vel. Fótbolti er almennt skemmtilegur. Við fórum hins vegar aðra leið fyrir VR þetta árið.
    Nánar
  • Veitur: Stóra stundin!

    Sumarið 2016 urðu ákveðin vatnaskil í íslenskri knattspyrnusögu, eins og við vitum. Við það tilefni birtu Veitur þessa mynd sem sýndi svart á hvítu (eða blátt á bláu) hvernig þjóðin háttaði klósettferðum sínum í leik Íslands og Frakklands.
    Nánar
  • Internet of Things

    Sum ykkar gætuð hafa heyrt um Internet of Things eða IoT. Í sífellt nettengdara samfélagi þýðir það að fleiri og fleiri hlutum eru til dæmis gefin stafræn skynfæri sem síðan deila upplýsingum yfir Internetið og geta endað í annaðhvort hlutgerðum eða stafrænum aðgerðum.
    Nánar