Gló herferðin er einlæg og áræðin

Við lögðum á borðið djarfa og framsækna hugmynd fyrir mögulegan kúnna fyrir einhverju síðan. Þessi hugmynd er nú orðin að auglýsingaherferð og mögulegi kúnninn er orðinn að raunverulegum. Á sama tíma og við bjóðum Gló velkomið til okkar afhjúpum við einlæga auglýsingaherferð og þökkum Gló fyrir að hafa tekið þessa frökku ákvörðun. 

Konseptið er vel þekkt: segjum sannar sögur. Sögurnar sem við ákváðum að segja frá eiga að vera sannar en frá einstaklingum sem eru ekki endilega hefðbundir eða það sem mætti segja venjulegir. Gló er fyrir alla og tekur á móti öllum opnum örmum. Segjum sögur einstaklinga sem eru að gera það sem þeir elska, það sem lætur hjörtu þeirra tikka og það sem kveikir í þeim.

Fyrsta sagan okkar er um Gógó Starr sem er dragdrottningin sem býr innra með Sigurði Heimi eða Sigga eins og hann er kallaður. Þeir sem komu að gerð auglýsingarinnar áttu það sameiginlegt með okkur að vera jafn upprifnir af hugmyndinni og fylltust jafn miklum metnaði og við til að koma skilaboðum Gló á framfæri þannig að þau myndu ná til eyrna einstaklinga. StopWaitGo samdi lagið fyrir okkur og er það hinn ungi og upprennandi Aaron Ísak sem syngur. Hið magnaða tvíeyki Hard & Holy leikstýrði, SNARK framleiddi og komu hugmyndum okkar fram á kraftmikinn hátt.

Við felum það ekkert. Hjarta Gló-teymisins er stútfullt af þakklæti til fyrirtækisins fyrir að vilja taka þátt í svona einlægri og hugdjarfri herferð. Skapaðu þitt eigið gló. #mittgló 

 

 


  • 17.04.2019

    Góð hugmynda­söfnun

    Við elskum góðar hugmyndir. Þær eru okkar ær og kýr. Þess vegna ætti það ekki að koma neinum á óvart að árleg hugmyndasöfnun Reykjavíkurborgar er okkur ákaflega kært og skemmtilegt verkefni.
    Nánar
  • 14.02.2019

    Hvíta húsið heldur út í heim

    Eða svona næstum. Á dögunum gerðum við samstarfssamninga við þrjár stofur til þess að geta boðið viðskiptavinum okkar upp á enn breiðari þjónustu. Hvíta húsið er nú aðili að PR og samskiptastofunni FleishmanHillard, sem er með yfir 100 skrifstofur í 30 löndum og getur hjálpað íslenskum fyrirtækjum að ná alþjóðlegum eyrum (og augum).
    Nánar
  • 04.01.2019

    Halldór Guðmundsson

    Í dag kveðjum við í Hvíta húsinu okkar helsta leiðtoga. Að öðrum ólöstuðum hefur enginn haft eins mikil áhrif á hvernig við hugsum og vinnum og Halldór Guðmundsson, sem var framkvæmdastjóri stofunnar í 35 ár og stjórnarformaður í 12 til viðbótar. Við sendum fjölskyldu Halldórs og vinum hlýja strauma og munum halda áfram að reyna að gera hann stoltan og glaðan með verkum okkar um alla framtíð.
    Nánar
  • 18.12.2018

    Við erum öll í sjávarútvegi

    Sjávarútvegsráðstefnan hefur verið haldin árlega frá 2010 og er einn helsti vettvangur sjávarútvegsfyrirtækja og þeirra sem þjónusta þennan undirstöðuatvinnuveg til að hittast og kynna verk sín og hugmyndir.
    Nánar
  • 10.12.2018

    Myndmerki TERN Systems verðlaunað

    Nýverið hlaut merki sem hannað var hér á Hvíta húsinu verðlaun í WOLDA – Worldwide Logo Design Award.
    Nánar
  • 16.11.2018

    Hvíta húsið tilnefnt til alþjóðlegra auglýsinga­verðlauna

    Auglýsingar Klúbbsins Geysis um geðheilsu hlutu í haust tilnefningu til Global Awards, sem verðlauna framúrskarandi auglýsingar um heilsu og vellíðan. Hvíta húsið var þar í flokki með alþjóðlegum auglýsingastofum á borð við McCann, Havas og Mullen Lowe.
    Nánar
  • 17.10.2018

    Settu svip á umhverfið

    Bás á ráðstefnu eða vörusýningu – er það ekki svolítið eins og að auglýsa í blaði þar sem eru eintómar auglýsingar? Jú, en samt með þeim fyrirvara að allir (eða flestir) þeir sem sækja slíka viðburði hafa áhuga á því sem verið er að fjalla um. Engu að síður þarf talsvert átak til að fanga athyglina í umhverfi þar sem allir eru að reyna hið sama, jafnvel að tala um sama hlutinn.
    Nánar
  • 10.08.2018

    Er teikning kannski málið?

    Mynd segir meira en þúsund orð. Það eru ekkert margir áratugir síðan „mynd“ þýddi ekki sjálfkrafa „ljósmynd“ í hugum okkar, heldur málverk eða kannski öllu heldur: teikning. Þegar kemur að því að hitta naglann á höfuðið hefur teikningin ennþá oft forskotið sem hún hafði í hellunum þar sem forfeður okkar rissuðu upp myndir af loðfílum og annarri bráð.
    Nánar