Eiríkur og Hrafn til Hvíta hússins

Hvíta húsið hefur ráðið til sín Eirík Má Guðleifsson viðskiptastjóra og Hrafn Jónsson texta- og hugmyndasmið.

Eiríkur er með M.A. gráðu í stjórnmálafræði frá University of Essex og MSc í Alþjóðaviðskiptum frá Háskólanum í Reykjavík. Eiríkur býr að 10 ára reynslu í auglýsingageiranum og starfaði síðast hjá alþjóðlegu auglýsingastofunni Factory Design Labs þar sem hann bar meðal annars ábyrgð á HEAD Wintersports og HEAD Tennis. Eiríkur er nýfluttur heim frá Sviss þar sem hann eyddi ómældum tíma í að fullkomna eigin skíðahæfileika.

Hrafn lærði leikstjórn og handritsgerð í kvikmyndaskólanum í Prag og starfaði áður í markaðsdeildum QuizUp og WOW air. Hrafn hefur einnig vakið athygli fyrir pistlaskrif í Kjarnann síðustu ár.

Sambýliskona Hrafns er Brynhildur Bolladóttir upplýsingafulltrúi Rauða krossins. Saman eiga þau tvær chili plöntur og nágrannakött sem þau hleypa oft inn á kvöldin.


  • 10.12.2018

    Myndmerki TERN Systems verðlaunað

    Nýverið hlaut merki sem hannað var hér á Hvíta húsinu verðlaun í WOLDA – Worldwide Logo Design Award.
    Nánar
  • 16.11.2018

    Hvíta húsið tilnefnt til alþjóðlegra auglýsinga­verðlauna

    Auglýsingar Klúbbsins Geysis um geðheilsu hlutu í haust tilnefningu til Global Awards, sem verðlauna framúrskarandi auglýsingar um heilsu og vellíðan. Hvíta húsið var þar í flokki með alþjóðlegum auglýsingastofum á borð við McCann, Havas og Mullen Lowe.
    Nánar
  • 17.10.2018

    Settu svip á umhverfið

    Bás á ráðstefnu eða vörusýningu – er það ekki svolítið eins og að auglýsa í blaði þar sem eru eintómar auglýsingar? Jú, en samt með þeim fyrirvara að allir (eða flestir) þeir sem sækja slíka viðburði hafa áhuga á því sem verið er að fjalla um. Engu að síður þarf talsvert átak til að fanga athyglina í umhverfi þar sem allir eru að reyna hið sama, jafnvel að tala um sama hlutinn.
    Nánar
  • 10.08.2018

    Er teikning kannski málið?

    Mynd segir meira en þúsund orð. Það eru ekkert margir áratugir síðan „mynd“ þýddi ekki sjálfkrafa „ljósmynd“ í hugum okkar, heldur málverk eða kannski öllu heldur: teikning. Þegar kemur að því að hitta naglann á höfuðið hefur teikningin ennþá oft forskotið sem hún hafði í hellunum þar sem forfeður okkar rissuðu upp myndir af loðfílum og annarri bráð.
    Nánar
  • 22.06.2018

    Samgöngustofa: Bara einn er einum of mikið

    Góð vísa er aldrei of oft kveðin, eins og oft er sagt. Það á kannski ekki síst við ,,eftir einn ei aki neinn”, sem ökumenn þessa lands ættu flestir að vera með pikkfast í minni. En það er þetta með vísurnar og sannindin – það þarf að minna reglulega á þau svo mikilvægi boðskapsins gleymist ekki. Þetta árið ákvað Samgöngustofa því að ráðast í vitundarvakningu og rifja þessi ágætu sannindi upp fyrir ökumönnum landsins. Leitað var í minningabankann og gömul herferð, ,,Bara einn er einum of mikið”, rifjuð upp.
    Nánar
  • 21.06.2018

    VR: Kulnun í starfi

    Þegar það var loksins komið að HM kepptust við auglýsendur vitaskuld um að rúlla út meistaraverkum sem mörg hver tóku á fótbolta í einni eða annarri mynd, og er það vel. Fótbolti er almennt skemmtilegur. Við fórum hins vegar aðra leið fyrir VR þetta árið.
    Nánar
  • 16.06.2018

    Veitur: Stóra stundin!

    Sumarið 2016 urðu ákveðin vatnaskil í íslenskri knattspyrnusögu, eins og við vitum. Við það tilefni birtu Veitur þessa mynd sem sýndi svart á hvítu (eða blátt á bláu) hvernig þjóðin háttaði klósettferðum sínum í leik Íslands og Frakklands.
    Nánar
  • 28.03.2018

    Internet of Things

    Sum ykkar gætuð hafa heyrt um Internet of Things eða IoT. Í sífellt nettengdara samfélagi þýðir það að fleiri og fleiri hlutum eru til dæmis gefin stafræn skynfæri sem síðan deila upplýsingum yfir Internetið og geta endað í annaðhvort hlutgerðum eða stafrænum aðgerðum.
    Nánar