Hreyfimyndagerð og 12 reglur hennar

„Við hvað vinnur þú eiginlega?“

Þar sem hreyfimyndagerð (animation) er tiltölulega ungt fag á Íslandi, þá vantar ennþá talsvert upp á þýðingar á hugtökum og titlum sem tengjast faginu. Um leið og tala á hreint mál án þess að sletta er strax farið að rekast utan í veggi. Það á sérstaklega við ef forðast á orðin „kvika“ og „kvikari“ sem eru þýðingar á orðunum „animate“ og „animator“, en mjög skiptar skoðanir eru um hversu góðar þýðingar þetta eru. Aðrar þýðingar sem hafa komið fram á animator eru hreyfill, hreyfimyndasmiður, hreyfihönnuður, hreyfimyndahönnuður, hreyfari og animeirari/animeitari og hafa einhverjar þeirra náð betri fótfestu í bransanum. Á Hvíta húsinu er talað um hreyfihönnuði. 

Fagmennska skilar góðum myndböndum

Hreyfimyndagerð nýtur sívaxandi vinsælda innan auglýsingageirans, enda frábær leið til að koma skilaboðum til neytandans á skemmtilegan og áhrifaríkan hátt. Fremst í flokki eru útskýringamyndbönd (explainer videos/ info graphics) sem eru myndbönd sem ná oft að útskýra flókna og þurra hluti á áhugaverðan hátt. Hins vegar eru margir sem gera sér ekki grein fyrir þeirri gífurlegu vinnu sem liggur að baki útskýringamyndbanda, sér í lagi þeirra sem eru í flottari kantinum. Þrotlaus vinna og tugir, ef ekki hundruðir klukkustunda, ásamt mikilli menntun og reynslu. 

Teikningar fyrir hreyfimyndagerð

Til þess að ná fram vönduðum og góðum hreyfingum þarf að hafa gott og þjálfað auga fyrir hvað virkar og hvað virkar ekki, ásamt góðum skilningi á viðfangsefninu.

12 grunnreglur hreyfimyndagerðar

Útgangspunkturinn hjá flestum góðum hreyfihönnuðum eru hinar 12 grunnreglur (The 12 basic principles of animation). Þetta eru tólf reglur sem ná yfir allt sem þarf til að gera líflegt og gott animation (en eins og með flestar hönnunarreglur, þá má brjóta þær þegar búið er að stúdera þær í þaula, til að ná fram öðruvísi hughrifum).

Hugmyndasmiðirnir á bak við þessar reglur voru hinir svokölluðu Níu gömlu menn Disney (Disney's Nine Old Men) sem voru algjörir reynsluboltar og forsprakkar í hreyfimyndagerð - þeir voru reyndar ungir menn þegar þeir byrjuðu að þróa með sér þessar reglur.

Hinir níu gömlu menn

Reglurnar voru formlega kynntar árið 1981 í bókinni The Illusion of Life eftir Ollie Johnston og Frank Thomas, sem voru tveir af 9 gömlu mönnunum. Reglurnar höfðu áður gengið manna á milli áratugum saman í teiknimyndabransanum en nú loksins afhjúpaðar öðrum. Upprunalega miðuðust reglurnar við handteiknaðar hreyfimyndir, en þær eiga enn þann dag í dag fullt erindi við hreyfimyndasmiði, hvort sem unnið er í tvívídd eða þrívídd, í tölvu eða á blaði.

Hér er mjög gott myndband sem útskýrir reglurnar vel. 

The illusion of life from cento lodigiani on Vimeo.

Höfundur: Sigrún Hreins, hreyfihönnuður

 


  • 10.12.2018

    Myndmerki TERN Systems verðlaunað

    Nýverið hlaut merki sem hannað var hér á Hvíta húsinu verðlaun í WOLDA – Worldwide Logo Design Award.
    Nánar
  • 16.11.2018

    Hvíta húsið tilnefnt til alþjóðlegra auglýsinga­verðlauna

    Auglýsingar Klúbbsins Geysis um geðheilsu hlutu í haust tilnefningu til Global Awards, sem verðlauna framúrskarandi auglýsingar um heilsu og vellíðan. Hvíta húsið var þar í flokki með alþjóðlegum auglýsingastofum á borð við McCann, Havas og Mullen Lowe.
    Nánar
  • 17.10.2018

    Settu svip á umhverfið

    Bás á ráðstefnu eða vörusýningu – er það ekki svolítið eins og að auglýsa í blaði þar sem eru eintómar auglýsingar? Jú, en samt með þeim fyrirvara að allir (eða flestir) þeir sem sækja slíka viðburði hafa áhuga á því sem verið er að fjalla um. Engu að síður þarf talsvert átak til að fanga athyglina í umhverfi þar sem allir eru að reyna hið sama, jafnvel að tala um sama hlutinn.
    Nánar
  • 10.08.2018

    Er teikning kannski málið?

    Mynd segir meira en þúsund orð. Það eru ekkert margir áratugir síðan „mynd“ þýddi ekki sjálfkrafa „ljósmynd“ í hugum okkar, heldur málverk eða kannski öllu heldur: teikning. Þegar kemur að því að hitta naglann á höfuðið hefur teikningin ennþá oft forskotið sem hún hafði í hellunum þar sem forfeður okkar rissuðu upp myndir af loðfílum og annarri bráð.
    Nánar
  • 22.06.2018

    Samgöngustofa: Bara einn er einum of mikið

    Góð vísa er aldrei of oft kveðin, eins og oft er sagt. Það á kannski ekki síst við ,,eftir einn ei aki neinn”, sem ökumenn þessa lands ættu flestir að vera með pikkfast í minni. En það er þetta með vísurnar og sannindin – það þarf að minna reglulega á þau svo mikilvægi boðskapsins gleymist ekki. Þetta árið ákvað Samgöngustofa því að ráðast í vitundarvakningu og rifja þessi ágætu sannindi upp fyrir ökumönnum landsins. Leitað var í minningabankann og gömul herferð, ,,Bara einn er einum of mikið”, rifjuð upp.
    Nánar
  • 21.06.2018

    VR: Kulnun í starfi

    Þegar það var loksins komið að HM kepptust við auglýsendur vitaskuld um að rúlla út meistaraverkum sem mörg hver tóku á fótbolta í einni eða annarri mynd, og er það vel. Fótbolti er almennt skemmtilegur. Við fórum hins vegar aðra leið fyrir VR þetta árið.
    Nánar
  • 16.06.2018

    Veitur: Stóra stundin!

    Sumarið 2016 urðu ákveðin vatnaskil í íslenskri knattspyrnusögu, eins og við vitum. Við það tilefni birtu Veitur þessa mynd sem sýndi svart á hvítu (eða blátt á bláu) hvernig þjóðin háttaði klósettferðum sínum í leik Íslands og Frakklands.
    Nánar
  • 28.03.2018

    Internet of Things

    Sum ykkar gætuð hafa heyrt um Internet of Things eða IoT. Í sífellt nettengdara samfélagi þýðir það að fleiri og fleiri hlutum eru til dæmis gefin stafræn skynfæri sem síðan deila upplýsingum yfir Internetið og geta endað í annaðhvort hlutgerðum eða stafrænum aðgerðum.
    Nánar