Internet of Things

Egill Rúnar Viðarsson

þúsundþjalasmiður

Sum ykkar gætuð hafa heyrt um Internet of Things eða IoT. Í sífellt nettengdara samfélagi þýðir það að fleiri og fleiri hlutum eru til dæmis gefin stafræn skynfæri sem síðan deila upplýsingum yfir Internetið og geta endað í annaðhvort veraldlegum eða stafrænum aðgerðum.

Stafrænn heimur og fýsískur. Digital og analog.

Með Internet of Things fá þessir tveir hingað til aðskildu heimar tækifæri til að stilla saman strengi sína. Litlar og notendavænar örtölvur, eins og Arduino og Raspberry PI, hafa hraðað þessari þróun gífurlega. Í samvinnu með Do-It-Yourself hreyfingunni er fleira og fleira áhugafólk að nýta sér örar tæknibreytingar til að útbúa alls konar lausnir, stórar og smáar. Möguleikarnir eru nánast endalausir.

Eftirfarandi eru örfá dæmi og er alls ekki tæmandi listi. Síður en svo. Hugarflug, áhugi og þrautseigja er oft nægt eldsneyti.

Planta með rakamæli tístar þegar hún er þyrst

Planta með rakamæli sem tístir þegar hún er þyrst

Andlitseltandi vélmenni

Graskers-Tetris

Raddstýrður kokteilabar

Borðtennisspaða-skanni og stigateljari

GIF-myndband af borðtennisspaða með skynjara

Jólaseríur sem stýrt er af rafmagnstrommusetti

Retro leikjakassi, sem nýtir Raspberry Pi til að spila vintage leiki

Mörg dæmi má sömuleiðis finna um verkefni þar sem Internet of Things hugmyndafræðin er ekki eingöngu nýtt í afþreyingu. Árið 2010 þótti hinum 21 árs gamla Sebastián Alegría, þá 14 ára, jarðskjálftaviðvörunarkerfið í hluta Chile ekki nógu skilvirkt. Hann setti upp Alarma Sismos viðvörunarkerfi sem nýtist við einfaldan jarðskjálftaskynjara, Arduino örtölvu og borðtölvu. Ef skynjarinn og örtölvan meta skjálfta í um 30 sekúndna fjarlægð, þá fá skráðir notendur og 400.000 fylgjendur Alarma Sismos á Twitter mun hraðari uppfærslur um skjálftavirkni í gegnum skráningarkerfi PubNub.

Skjáskot af Twitter reikningi Alarma Sismos

Alegría sjálfur segir einmitt að oft þurfi ekki mikið milli handanna til útbúa nytsamlegar lausnir og skapandi verkefni. Þrátt fyrir að mörg IoT-verkefni virðast vera töfrum búin, þá eru þau langflest tiltölulega einföld í uppsetningu. Töfrarnir verða til við hina skapandi hugsun sem liggur að baki samtvinningu þessara dauðu hluta svo úr verði verk þar sem heildin er stærri en einstaka þættir hennar.

Gott er að hafa eftirfarandi skref í huga þegar kemur að ýmis konar hugmyndavinnu og hönnun á IoT-verkefnum:

1. Input: Hvað er fyrsta skrefið í orsakaröðinni? Í tilfelli tístandi plöntunnar sem tekið er dæmi um að ofan, er nýttur rakamælir sem komið er fyrir í moldinni. Hann er svo tengdur við nettengda örtölvu.
2. Computation: Eru einhver skilyrði sem þarf að fullnægja áður en klára skal orsakaröðina? Með plöntuna, þá er settur einhver þröskuldur í forritunina sem liggur á örtölvunni. Til dæmis, ef rakamælirinn skynjar minna en 50% raka, …
3. Output: Sendu á tengdan Twitter reikning „URGENT! Water me!“

Fyrir þau sem ætla mögulega að leggjast í einhvers konar IoT-verkefni er vissulega gott að hafa einhvers konar grunn í forritun – sama hversu lítinn. Með aðgangi að alls kyns fríum sjálfshjálpar-lærdómi á Internetinu hefur aldrei verið auðveldara að byrja að læra og stunda forritun. Óhætt er að mæla með Codecademy, Net Ninja og The Coding Train fyrir þau sem vilja aðeins byrja að fikra sig áfram.

Að lokum, ef einhver man eftir kvikmyndinni Casper sem kom út 1995, þá er það Up and At ’Em Machine í anda Georgs Gírlausa sem vill oft koma upp í hugann þegar Internet of Things verkefni eiga í hlut. 


  • 17.04.2019

    Góð hugmynda­söfnun

    Við elskum góðar hugmyndir. Þær eru okkar ær og kýr. Þess vegna ætti það ekki að koma neinum á óvart að árleg hugmyndasöfnun Reykjavíkurborgar er okkur ákaflega kært og skemmtilegt verkefni.
    Nánar
  • 14.02.2019

    Hvíta húsið heldur út í heim

    Eða svona næstum. Á dögunum gerðum við samstarfssamninga við þrjár stofur til þess að geta boðið viðskiptavinum okkar upp á enn breiðari þjónustu. Hvíta húsið er nú aðili að PR og samskiptastofunni FleishmanHillard, sem er með yfir 100 skrifstofur í 30 löndum og getur hjálpað íslenskum fyrirtækjum að ná alþjóðlegum eyrum (og augum).
    Nánar
  • 04.01.2019

    Halldór Guðmundsson

    Í dag kveðjum við í Hvíta húsinu okkar helsta leiðtoga. Að öðrum ólöstuðum hefur enginn haft eins mikil áhrif á hvernig við hugsum og vinnum og Halldór Guðmundsson, sem var framkvæmdastjóri stofunnar í 35 ár og stjórnarformaður í 12 til viðbótar. Við sendum fjölskyldu Halldórs og vinum hlýja strauma og munum halda áfram að reyna að gera hann stoltan og glaðan með verkum okkar um alla framtíð.
    Nánar
  • 18.12.2018

    Við erum öll í sjávarútvegi

    Sjávarútvegsráðstefnan hefur verið haldin árlega frá 2010 og er einn helsti vettvangur sjávarútvegsfyrirtækja og þeirra sem þjónusta þennan undirstöðuatvinnuveg til að hittast og kynna verk sín og hugmyndir.
    Nánar
  • 10.12.2018

    Myndmerki TERN Systems verðlaunað

    Nýverið hlaut merki sem hannað var hér á Hvíta húsinu verðlaun í WOLDA – Worldwide Logo Design Award.
    Nánar
  • 16.11.2018

    Hvíta húsið tilnefnt til alþjóðlegra auglýsinga­verðlauna

    Auglýsingar Klúbbsins Geysis um geðheilsu hlutu í haust tilnefningu til Global Awards, sem verðlauna framúrskarandi auglýsingar um heilsu og vellíðan. Hvíta húsið var þar í flokki með alþjóðlegum auglýsingastofum á borð við McCann, Havas og Mullen Lowe.
    Nánar
  • 17.10.2018

    Settu svip á umhverfið

    Bás á ráðstefnu eða vörusýningu – er það ekki svolítið eins og að auglýsa í blaði þar sem eru eintómar auglýsingar? Jú, en samt með þeim fyrirvara að allir (eða flestir) þeir sem sækja slíka viðburði hafa áhuga á því sem verið er að fjalla um. Engu að síður þarf talsvert átak til að fanga athyglina í umhverfi þar sem allir eru að reyna hið sama, jafnvel að tala um sama hlutinn.
    Nánar
  • 10.08.2018

    Er teikning kannski málið?

    Mynd segir meira en þúsund orð. Það eru ekkert margir áratugir síðan „mynd“ þýddi ekki sjálfkrafa „ljósmynd“ í hugum okkar, heldur málverk eða kannski öllu heldur: teikning. Þegar kemur að því að hitta naglann á höfuðið hefur teikningin ennþá oft forskotið sem hún hafði í hellunum þar sem forfeður okkar rissuðu upp myndir af loðfílum og annarri bráð.
    Nánar