... og auglýsingamiðill ársins er?

Netið fær stærsta hluta af auglýsingakökunni erlendis

Hlutdeild netbirtinga á heimsvísu mun aukast um 13% árið 2017 og þar með fara fram úr hlutdeild sjónvarpsbirtinga í fyrsta sinn, skv. Zenith (regnhlífasamtök auglýsingastofa um allan heim).

Samkvæmt nýjustu spám mun 37% af öllu birtingafé rata í vefauglýsingar á þessu ári, sem er aukning frá árinu 2016 þegar hlutdeild netbirtinga var 34%. Þetta er því í fyrsta sinn sem netbirtingar munu fá stærri hlut en sjónvarpið af auglýsingakökunni. 

Röðun og tilfærsla birtinga

Birtingar í gegnum samfélagsmiðla jukust um 51% árið 2016 og er sá hluti sem hefur aukist hvað mest í netbirtingum. Því er spáð að birtingar á samfélagsmiðlum muni aukast um 20% að meðaltali á ári þar til árið 2019. Birtingar í prenti drógust saman um 5% á síðasta ári á heimsvísu.

Warc (alþjóðleg miðstöð í auglýsinga- og markaðsmálum) tekur í sama streng en þeir spá því að netið verði stærsti auglýsingamiðillinn á þessu ári. Þeir spá því enn fremur að 44% af netbirtingum muni eingöngu fara í birtingar í gegnum snjalltæki. Sjónvarpið verður áfram annar stærsti auglýsingamiðillinn og markpóstur sá þriðji stærsti. Dagblöð, tímarit, útvarp og bíó reka svo lestina.

Erlendis er því spáð að birtingar munu halda áfram að færa sig frá hinum „hefðbundnu miðlum“ og yfir í stafræna miðla. Ef litið er til auglýsingamarkaðarins hérlendis þá hefur hlutdeild netmiðla einnig aukist milli ára. Þó virðist þróunin hér á landi vera nokkuð hægari en erlendis. 

Fjármagn ekki í takt við tilfinningu

60% markaðsstjóra fyrirtækja á Íslandi telja samfélagsmiðla vera mikilvægasta þáttinn í árangursríku markaðsstarfi skv. könnun sem MMR kynnti á Ímarkdaginn nýverið og 54% telja vefmiðla vera áhrifamesta miðilinn. 

Röðun á miðlum eftir mikilvægi

 

Þegar hins vegar litið er til skiptingu birtingafjár á Íslandi fóru samtals 18% í netmiðla árið 2015: 15% af birtingafé í íslenska netmiðla og 3% í erlenda netmiðla (ársskýrsla Fjölmiðlanefndar 2015).

Skipting birtingafjár milli miðla árið 2015 á Íslandi

 
 

 

 

 

Framtíðarhorfur netbirtinga

Vert er að benda á að þrátt fyrir aukna hlutdeild netbirtinga þá þýðir það ekki endilega að netið muni koma í staðin fyrir hina hefðbundnu miðla. Líkt og rannsókn Nielsen hefur bent á þá eru auglýsingaherferðir sem eru eingöngu keyrðar á netinu með ákveðið þak í dekkun. Netbirtingar eru áhrifaríkastar þegar þær eru notaðar sem stuðningur við auglýsingaherferðir í sjónvarpi og auka áhrifamátt herferðarinnar um 4,4%.

 

*Könnun meðal íslenskra markaðsstjóra hjá 400 stærstu auglýsendum landsins árið 2016
**Ársskýrsla Fjölmiðlanefndar árið 2015, könnun meðal 5 stærstu birtingaaðila og fjölmiðla landsins

  • 17.04.2019

    Góð hugmynda­söfnun

    Við elskum góðar hugmyndir. Þær eru okkar ær og kýr. Þess vegna ætti það ekki að koma neinum á óvart að árleg hugmyndasöfnun Reykjavíkurborgar er okkur ákaflega kært og skemmtilegt verkefni.
    Nánar
  • 14.02.2019

    Hvíta húsið heldur út í heim

    Eða svona næstum. Á dögunum gerðum við samstarfssamninga við þrjár stofur til þess að geta boðið viðskiptavinum okkar upp á enn breiðari þjónustu. Hvíta húsið er nú aðili að PR og samskiptastofunni FleishmanHillard, sem er með yfir 100 skrifstofur í 30 löndum og getur hjálpað íslenskum fyrirtækjum að ná alþjóðlegum eyrum (og augum).
    Nánar
  • 04.01.2019

    Halldór Guðmundsson

    Í dag kveðjum við í Hvíta húsinu okkar helsta leiðtoga. Að öðrum ólöstuðum hefur enginn haft eins mikil áhrif á hvernig við hugsum og vinnum og Halldór Guðmundsson, sem var framkvæmdastjóri stofunnar í 35 ár og stjórnarformaður í 12 til viðbótar. Við sendum fjölskyldu Halldórs og vinum hlýja strauma og munum halda áfram að reyna að gera hann stoltan og glaðan með verkum okkar um alla framtíð.
    Nánar
  • 18.12.2018

    Við erum öll í sjávarútvegi

    Sjávarútvegsráðstefnan hefur verið haldin árlega frá 2010 og er einn helsti vettvangur sjávarútvegsfyrirtækja og þeirra sem þjónusta þennan undirstöðuatvinnuveg til að hittast og kynna verk sín og hugmyndir.
    Nánar
  • 10.12.2018

    Myndmerki TERN Systems verðlaunað

    Nýverið hlaut merki sem hannað var hér á Hvíta húsinu verðlaun í WOLDA – Worldwide Logo Design Award.
    Nánar
  • 16.11.2018

    Hvíta húsið tilnefnt til alþjóðlegra auglýsinga­verðlauna

    Auglýsingar Klúbbsins Geysis um geðheilsu hlutu í haust tilnefningu til Global Awards, sem verðlauna framúrskarandi auglýsingar um heilsu og vellíðan. Hvíta húsið var þar í flokki með alþjóðlegum auglýsingastofum á borð við McCann, Havas og Mullen Lowe.
    Nánar
  • 17.10.2018

    Settu svip á umhverfið

    Bás á ráðstefnu eða vörusýningu – er það ekki svolítið eins og að auglýsa í blaði þar sem eru eintómar auglýsingar? Jú, en samt með þeim fyrirvara að allir (eða flestir) þeir sem sækja slíka viðburði hafa áhuga á því sem verið er að fjalla um. Engu að síður þarf talsvert átak til að fanga athyglina í umhverfi þar sem allir eru að reyna hið sama, jafnvel að tala um sama hlutinn.
    Nánar
  • 10.08.2018

    Er teikning kannski málið?

    Mynd segir meira en þúsund orð. Það eru ekkert margir áratugir síðan „mynd“ þýddi ekki sjálfkrafa „ljósmynd“ í hugum okkar, heldur málverk eða kannski öllu heldur: teikning. Þegar kemur að því að hitta naglann á höfuðið hefur teikningin ennþá oft forskotið sem hún hafði í hellunum þar sem forfeður okkar rissuðu upp myndir af loðfílum og annarri bráð.
    Nánar