Samgöngustofa: Bara einn er einum of mikið

Í boði hússins

Góð vísa er aldrei of oft kveðin, eins og oft er sagt. Það á kannski ekki síst við ,,eftir einn ei aki neinn”, sem ökumenn þessa lands ættu flestir að vera með pikkfast í minni.

En það er þetta með vísurnar og sannindin – það þarf að minna reglulega á þau svo mikilvægi boðskapsins gleymist ekki. Þetta árið ákvað Samgöngustofa því að ráðast í vitundarvakningu og rifja þessi ágætu sannindi upp fyrir ökumönnum landsins. Leitað var í minningabankann og gömul herferð, ,,Bara einn er einum of mikið”, rifjuð upp.

Í útfærslu ársins 2018 var mikilvægt að vera í takt við tíðarandann og því var brugðið á það ráð að sviðsetja fótboltaleik hjá 5. flokki drengja (þið vitið, heimsmeistaramótið. Við þurftum að gera að minnsta kosti eina fótboltaauglýsingu á árinu).

 

Spurt er:

Finnst þér þetta í lagi?

Og svarið er að vitaskuld hátt og snjallt ,,nei”.

Við þökkum þjálfaranum, Ótthari S. Edvardssyni, sérstaklega fyrir að leggja heiður sinn að veði við gerð þessarar auglýsingar og staðfestum fyrir opnum tjöldum að heilsteyptari þjálfari er vandfundinn í okkar kreðsum. Eins og sést var hann var tilbúinn til þess að rústa eigin mannorði fyrir almannahagsmuni og það væri hver sem er nú ekki til í að gera. Ótthar, þú ert frábær.

Fleiri útfærslur eru í pípunum, enda öllum hollt að hugsa vandlega um hvað er í lagi og hvað ekki.

Núna vitum við öll að bara einn er einum of mikið áður en ekið er af stað.


  • 14.02.2019

    Hvíta húsið heldur út í heim

    Á dögunum gerðum við samstarfssamninga við þrjár stofur til að geta boðið viðskiptavinum okkar upp á enn breiðari þjónustu. Fyrst ber að nefna FleishmanHillard, sem er PR og samskiptastofa með skrifstofur í yfir 100 borgum í 30 löndum, í sex heimsálfum. Já, sex heimsálfum. Þetta þýðir að með einu símtali getum við komist í samband við sérfræðinga í svo til öllum greinum og um allan hnöttinn sem vinna að því að koma áhugaverðu efni þangað sem það þarf að heyrast.
    Nánar
  • 04.01.2019

    Halldór Guðmundsson

    Í dag kveðjum við í Hvíta húsinu okkar helsta leiðtoga. Að öðrum ólöstuðum hefur enginn haft eins mikil áhrif á hvernig við hugsum og vinnum og Halldór Guðmundsson, sem var framkvæmdastjóri stofunnar í 35 ár og stjórnarformaður í 12 til viðbótar. Við sendum fjölskyldu Halldórs og vinum hlýja strauma og munum halda áfram að reyna að gera hann stoltan og glaðan með verkum okkar um alla framtíð.
    Nánar
  • 18.12.2018

    Við erum öll í sjávarútvegi

    Sjávarútvegsráðstefnan hefur verið haldin árlega frá 2010 og er einn helsti vettvangur sjávarútvegsfyrirtækja og þeirra sem þjónusta þennan undirstöðuatvinnuveg til að hittast og kynna verk sín og hugmyndir.
    Nánar
  • 10.12.2018

    Myndmerki TERN Systems verðlaunað

    Nýverið hlaut merki sem hannað var hér á Hvíta húsinu verðlaun í WOLDA – Worldwide Logo Design Award.
    Nánar
  • 16.11.2018

    Hvíta húsið tilnefnt til alþjóðlegra auglýsinga­verðlauna

    Auglýsingar Klúbbsins Geysis um geðheilsu hlutu í haust tilnefningu til Global Awards, sem verðlauna framúrskarandi auglýsingar um heilsu og vellíðan. Hvíta húsið var þar í flokki með alþjóðlegum auglýsingastofum á borð við McCann, Havas og Mullen Lowe.
    Nánar
  • 17.10.2018

    Settu svip á umhverfið

    Bás á ráðstefnu eða vörusýningu – er það ekki svolítið eins og að auglýsa í blaði þar sem eru eintómar auglýsingar? Jú, en samt með þeim fyrirvara að allir (eða flestir) þeir sem sækja slíka viðburði hafa áhuga á því sem verið er að fjalla um. Engu að síður þarf talsvert átak til að fanga athyglina í umhverfi þar sem allir eru að reyna hið sama, jafnvel að tala um sama hlutinn.
    Nánar
  • 10.08.2018

    Er teikning kannski málið?

    Mynd segir meira en þúsund orð. Það eru ekkert margir áratugir síðan „mynd“ þýddi ekki sjálfkrafa „ljósmynd“ í hugum okkar, heldur málverk eða kannski öllu heldur: teikning. Þegar kemur að því að hitta naglann á höfuðið hefur teikningin ennþá oft forskotið sem hún hafði í hellunum þar sem forfeður okkar rissuðu upp myndir af loðfílum og annarri bráð.
    Nánar
  • 21.06.2018

    VR: Kulnun í starfi

    Þegar það var loksins komið að HM kepptust við auglýsendur vitaskuld um að rúlla út meistaraverkum sem mörg hver tóku á fótbolta í einni eða annarri mynd, og er það vel. Fótbolti er almennt skemmtilegur. Við fórum hins vegar aðra leið fyrir VR þetta árið.
    Nánar