Arion banki x HSÍ

Arion banki

Við fengum það verkefni að minna á að Arion banki er einn helsti styrktaraðili HSÍ og hefur verið síðan 2003. Evrópumótið í handknattleik var frábært tækifæri til að minna íslendinga á þessa þjóðaríþrótt okkar, þá ólýsanlegu stemningu sem myndast í kringum svona stórmót og hversu björt framtíð okkar er í handboltanum. Arion banki er stoltur af sínum stuðningi og leggur mikið upp úr að styðja framtíð handboltans. Stuðningur bankans er ekki bara við landsliðin heldur beinist hann ekki síður að yngri flokkunum.

JóiPé er frábær táknmynd fyrir allt þetta; hann er einn vinsælasti tónlistarmaður landsins auk þess að vera mjög efnilegur handboltamaður sjálfur. Hann hefur líka sterka tengingu við sögu handboltans, sonur Patreks Jóhannessonar, eins sigursælasta handboltamanns okkar.

JóiPé gerði skemmtilegt lag fyrir auglýsinguna auk þess að vera sjálfur áberandi í henni. Einnig komu fram leikmenn og iðkendur úr yngri flokkum, unglingaflokkum og landsliðmenn og -konur.

Auglýsingin var frumsýnd í hálfleik í opnunarleik Íslands á mótinu þar sem við lögðum Svía, með um 27% þjóðarinnar við sjónvarpið. Einnig gerðum við myndband fyrir samfélagsmiðla þar sem skyggnst var á bak við tjöldin við gerð auglýsingarinnar og lagsins og rætt við JóaPé, vini hans og afreksfólk í handbolta. Þegar þetta er skrifað hefur verið horft á myndbandið um 67.000 sinnum.

Fyrra verkefni
Rauðakrossbúðirnar og stjórnarmyndun 2017

Næsta verkefni
Mörkun GeoSea