Valmynd
Stytting vinnuvikunnar
Stytting vinnuvikunnar
VR
Eitt af stóru málum síðustu kjarasamninga var stytting vinnutímans. VR samdi um styttingu fyrir sína félagsmenn – 9 mínútur á dag. Allar breytingar leggjast misvel í fólk og oft flækjast málin líka þegar um kerfisbreytingu er að ræða, sem nær samt ekki yfir alla.
Við fórum í mikla rannsóknarvinnu vegna þessa verkefnis og komumst að því að fólki fundust 9 mínútur á dag nokkuð lélegt tilboð, en um leið og fólk skildi að hægt væri að útfæra þessa styttingu með því að safna upp tímanum kom annað hljóð í fólk.
Áskorunin í verkefninu sem við fengum til okkar var tvíþætt:
- Minna félagsmenn og atvinnurekendur á að semja um útfærslu þessarar styttingar fyrir 1. desember
- Og gera 9 mínútur að bestu hugmynd síðan niðurskorið brauð leit fyrst dagsins ljós.
45 mínútur á viku.
3.15 klst á mánuði.
Eða jafnvel eitthvað enn lengra, sjaldnar á ári.
Það var þetta „aha!“ móment sem við vildum framkalla hjá fólki, en á sama tíma sýna hvað gæti gerst, í ýktum raunveruleika, ef félagsmenn og atvinnurekendur myndu ekki komast að samkomulagi og fólk bara hætta að vinna 9 mínútum fyrr á hverjum degi.
Því gerðum við kvikmyndaða auglýsingu þar sem við sjáum almenna borgara, ferðamenn og jafnvel yfirmenn lenda í stökustu vandræðum því ekki var samið um útfærslu styttingarinnar.
Sjón er vitaskuld sögu ríkari í þessu eins og svo mörgu öðru og því bjóðum við ykkur að halla ykkur aftur í sætunum, grípa kannski popp og fylgjast með óförunum sem við kokkuðum upp fyrir þessa auglýsingu.
-
Fyrra verkefni
Stórar sendingar -
Næsta verkefni
Teikningar: Önnur sæti
