Samstarfsaðilar Hvíta hússins

Hvíta húsið leggur áherslu á að eiga í góðum samskiptum. Það gildir líka yfir landamæri. Undanfarin misseri höfum við lagt grunn að tengslaneti erlendis sem kemur viðskiptavinum okkar til góða.

 

samstarf

Almannatengsl: Samstarfsaðili okkar í almannatengslum er Fleishman Hillard, sem er PR og samskiptastofa með skrifstofur í yfir 100 borgum í 30 löndum, í sex heimsálfum. Með einu símtali getum við komist í samband við sérfræðinga í svo til öllum greinum og um allan hnöttinn sem vinna að því að koma áhugaverðu efni þangað sem það þarf að heyrast. Hvíta húsið er formlegur samstarfsaðili Fleishman Hillard á Íslandi.

samstarf

Stefnumótun vörumerkja: Við vitum að bestu hlutirnir finnast í minnstu pökkunum og þess vegna heyrðum við í gömlum vinum okkar sem vinna núna hjá The Value Engineers. Þar er unnið að því að kryfja, skilgreina og betrumbæta byggingarefni vörumerkja. Þekking þeirra og reynsla spannar áratugi.

samstarf

Alþjóðleg hugmyndavinna: Pablo er ein eftirsóttasta auglýsingastofan í London og er skapandi stofa sem setur góðar hugmyndir ofar öllu. Þar vinnur þéttur hópur fólks sem ræðst á stór sem smá verkefni með sömu ástríðu í hvert skipti.

Þessar þrjár stofur, Fleishman Hillard, The Value Engineers og Pablo, deila allar hugsjón með Hvíta húsinu. Sú hugsjón er áhuginn á fólki og getan til að gera allt spennandi. Við vitum nefnilega að það er hægt að fá góða hugmynd fyrir hvað sem er.


  • 09.11.2020

    Heimsþing kvenleiðtoga – sjálfsagt samstarf

    Hvíta húsið er stoltur samstarfsaðili Heimsþings kvenleiðtoga, eða Reykjavík Global Forum – Women Leaders.
    Nánar
  • 17.04.2019

    Góð hugmynda­söfnun

    Við elskum góðar hugmyndir. Þær eru okkar ær og kýr. Þess vegna ætti það ekki að koma neinum á óvart að árleg hugmyndasöfnun Reykjavíkurborgar er okkur ákaflega kært og skemmtilegt verkefni.
    Nánar
  • 14.02.2019

    Hvíta húsið heldur út í heim

    Eða svona næstum. Á dögunum gerðum við samstarfssamninga við þrjár stofur til þess að geta boðið viðskiptavinum okkar upp á enn breiðari þjónustu. Hvíta húsið er nú aðili að PR og samskiptastofunni FleishmanHillard, sem er með yfir 100 skrifstofur í 30 löndum og getur hjálpað íslenskum fyrirtækjum að ná alþjóðlegum eyrum (og augum).
    Nánar
  • 04.01.2019

    Halldór Guðmundsson

    Í dag kveðjum við í Hvíta húsinu okkar helsta leiðtoga. Að öðrum ólöstuðum hefur enginn haft eins mikil áhrif á hvernig við hugsum og vinnum og Halldór Guðmundsson, sem var framkvæmdastjóri stofunnar í 35 ár og stjórnarformaður í 12 til viðbótar. Við sendum fjölskyldu Halldórs og vinum hlýja strauma og munum halda áfram að reyna að gera hann stoltan og glaðan með verkum okkar um alla framtíð.
    Nánar
  • 18.12.2018

    Við erum öll í sjávarútvegi

    Sjávarútvegsráðstefnan hefur verið haldin árlega frá 2010 og er einn helsti vettvangur sjávarútvegsfyrirtækja og þeirra sem þjónusta þennan undirstöðuatvinnuveg til að hittast og kynna verk sín og hugmyndir.
    Nánar
  • 10.12.2018

    Myndmerki TERN Systems verðlaunað

    Nýverið hlaut merki sem hannað var hér á Hvíta húsinu verðlaun í WOLDA – Worldwide Logo Design Award.
    Nánar
  • 16.11.2018

    Hvíta húsið tilnefnt til alþjóðlegra auglýsinga­verðlauna

    Auglýsingar Klúbbsins Geysis um geðheilsu hlutu í haust tilnefningu til Global Awards, sem verðlauna framúrskarandi auglýsingar um heilsu og vellíðan. Hvíta húsið var þar í flokki með alþjóðlegum auglýsingastofum á borð við McCann, Havas og Mullen Lowe.
    Nánar
  • 17.10.2018

    Settu svip á umhverfið

    Bás á ráðstefnu eða vörusýningu – er það ekki svolítið eins og að auglýsa í blaði þar sem eru eintómar auglýsingar? Jú, en samt með þeim fyrirvara að allir (eða flestir) þeir sem sækja slíka viðburði hafa áhuga á því sem verið er að fjalla um. Engu að síður þarf talsvert átak til að fanga athyglina í umhverfi þar sem allir eru að reyna hið sama, jafnvel að tala um sama hlutinn.
    Nánar