Hverfið mitt

Reykjavíkurborg

Hverfið mitt er íbúalýðræðisverkefni á vegum Reykjavíkurborgar þar sem íbúum gefst kostur á að setja fram hugmyndir um úrbætur í nærumhverfi sínu. Þeim hugmyndum sem hljóta brautargengi í kosningu meðal borgarbúa er síðan hrint í framkvæmd.

rvk-hverfidmitt-hvadkystthu-2019-facebook-vesturbaer-1200x1200-012x-compressor.png

rvk-hverfidmitt-hugmyndasofnun-2019-facebook-hlidar-1200x1200-012x-compressor.png

Á hverju ári er því verkefnið tvíþætt: Að kalla eftir hugmyndum og að hvetja til þátttöku í netkosningu um hugmyndirnar. Hvíta húsið hefur unnið við kynningu hugmyndasöfnunar og hverfakosningar fyrir Hverfið mitt undanfarin fimm ár. Bæði söfnunin og kosningin fer fram á netinu og því er kynningarefnið mjög net- og samfélagsmiðladrifið.

Við höfum notið aðstoðar grínistanna Steineyjar Skúladóttur, Guðmundar Felixsonar og Vilhelms Neto við að búa til athyglivekjandi grínsketsa til að birta á samfélagsmiðlum, sem sýna bæði hugmyndavinnu og afrakstur hennar í skoplegu ljósi. Að auki hefur verið keyrt á áminningar þegar skilafrestur nálgast og kosningu er að ljúka.

Meðvitund um þetta árlega verkefni hefur farið vaxandi jafnt og þétt. Þátttaka hefur aukist, bæði mælt í innsendum hugmyndum og kosningaþátttöku.