Creative Take Off

Creative Take Off

Isavia

CREATIVE TAKE OFF er nýr vettvangur fyrir hönnuði til að koma verkum sínum á framfæri, staðsettur í brottfararsal Keflavíkurflugvallar. Hugmyndin er að gefa frábærum hugmyndum byr undir báða vængi og að þeir sem fari um flugstöðina á leið sinni til annarra landa geti gripið með sér íslenska hágæðahönnun og borið hróður listamannanna út fyrir landsteinana.

Creative Take Off Tube
Creative Take Off T-shirt

Íslensk hönnun var sett í öndvegi á Keflavíkurflugvelli í tilefni HönnunarMars þegar Isavia í samstarfi við Hönnunarmiðstöð Íslands bauð íslenskum hönnuðum að selja hönnun sína á besta stað á verslunarsvæðinu dagana 7.-22. mars. Auglýst var eftir umsóknum frá íslenskum hönnuðum og um 100 umsóknir bárust frá breiðum hópi hönnuða. Fulltrúar frá Hönnunarmiðstöð Íslands fóru yfir umsóknir og völdu 10 hönnuði sem munu selja vörur sínar í tímabundnu rými sem ber nafnið Creative Take Off. Gríðarleg gróska er í íslenskri hönnun þannig að valið var erfitt. Áhersla var lögð á að vörurnar endurspegli breidd og gæði íslenskrar hönnunar auk þess sem reynt var að gæta að innbyrðis jafnvægi. Í boði voru fjölbreyttar vörur sem gáfu ferðamönnum tækifæri til að kynna sér gróskuna í íslenskri hönnun á HönnunarMars.

Hönnuðirnir sem urðu fyrir valinu að þessu sinni voru Milla Snorrason, Erling Jóhannesson, Helga Ósk Einarsdóttir, MAGNEA, As We Grow, Postulína, Ingibjörg Ósk Þorvaldsdóttir, Reykjavík Posters, hönnunarteymið IIIF og Guðrún Vald. Verk þeirra prýddu sérstakt sölusvæði á besta stað í marsmánuði þar sem þúsundir ferðamanna fóru um á degi hverjum.