Valmynd
Teikningar: Önnur sæti
Teikningar: Önnur sæti
Arion banki
Það fer oftast ekkert á milli mála hvaða hugmynd sigrar verðlaunasamkeppni um byggingar. Sigurvegarinn birtist fyrr eða síðar í umhverfi okkar og ef vel tekst til setur hann ógleymanlegan svip á það.
En hvað með annað og þriðja sætið? Af hvaða glæsibyggingum höfum við misst í gegnum árin, hvaða útgáfa af umhverfinu er horfin ofan í skúffur og möppur?
Þau Anna Dröfn Ágústsdóttir, Guðni Valberg og Íris Stefánsdóttir fengu þá snjöllu hugmynd að halda sýningu á verðlaunatillögum sem ekki urðu byggingar og benda þannig á arkitektúr, ólíka valmöguleika og öðruvísi framtíðarsýn, hvernig hlutirnir hefðu mögulega getað orðið. Sýningin var haldin í höfuðstöðvum Arion banka, Borgartúni 19, 13. mars til 4. maí 2018.
Viktoria Buzukina, hönnuður hjá Hvíta húsinu, fékk það verkefni að teikna myndir þar sem húsin í öðru eða þriðja sæti birtust í umhverfinu og kölluðust á við sigurtillögurnar sem allir þekkja, svo sem eins og Akureyrarkirkju, Perluna og Ráðhús Reykjavíkur. Viktoría hannaði einnig kynningarefni sýningarinnar.
-
Fyrra verkefni
Stjórnarsáttmálinn eins árs -
Næsta verkefni
Toppur – Vel gert
