Valmynd
Uppskriftamyndbönd
Uppskriftamyndbönd
Mjólkursamsalan
Matargerðarmyndbönd eru vinsælt efni á samfélagsmiðlum, og ólíkt mörgu sem þar er að finna geta þau beinlínis verið gagnleg í daglegu lífi.
Mjólkursamsalan bað okkur að gera röð myndbanda til að gefa fólki hugmyndir um hvernig nota má skyr og aðrar mjólkurvörur í einfalda, fljótlega og skemmtilega rétti. Annarsvegar fyrir Gott í matinn vörulínuna, og hinsvegar fyrir Ísey skyr. Þó skyr sé vissulega dásamlegt beint úr dósinni og tilbúið til neyslu eru ótæmandi möguleikar á að nota það við matargerð sem okkur langaði að vekja athygli á.
Í þrjá daga var eldað og filmað í stúdíóinu. Afraksturinn voru heil 14 myndbönd fyrir Gott í matinn og 8 fyrir Ísey skyr. Uppskriftirnar voru af öllum gerðum. Sósur, fingramatur, hversdagsmatur, skyndimatur, eftirréttir og viðamiklir hátíðaréttir. Uppskriftir komu frá Evu Laufey Kjaran, Lindu Benediktsdóttur og Sævari Lárussyni.
Matarmyndatökur eru krefjandi verkefni, ekki síst þar sem viðfangsefnið skapar stöðugar freistingar fyrir fólkið. Því verður ekkert neitað að ein og ein snitta, ostbiti, og pizzasneið fékk það hlutverk að gleðja bragðlauka og halda uppi orkustiginu í stúdíóinu þessa daga.
-
Fyrra verkefni
Geysir er brú til betra lífs -
Næsta verkefni
Stóra stundin
