Vanillublandan

Mjólkursamsalan

Of góð

Það var bæði spennandi og skemmtileg áskorun að kynna til leiks alveg nýja vöru frá MS. Vanillublandan er ljúffeng mjólkurvara sem hönnuð er til að vera grunnur í sjeika og eftirrétti þegar maður vill leyfa sér eitthvað sætt og gott.

Okkur langaði að gera eitthvað öðruvísi og skemmtilegt fyrir Vanillublönduna. Hreyfimyndagerð er oft frekar vannýtt listform í íslenskri auglýsingagerð, en það býður upp á svo mikla vídd og breidd og hentaði fullkomlega fyrir þetta verkefni. Markmiðið var að gera skemmtilega karaktera sem myndu skera sig úr, bæði hvað varðar liti og teiknistíl. Einn helsti kosturinn við teiknimyndir er að maður getur leyft sér miklu ýktari hluti en í raunveruleikanum, sem hentar Vanillublöndunni fullkomlega þar sem þetta er sería um fólk sem er bókstaflega tilbúið að fórna bæði heilsu sinni og æru til að fá síðustu dropana af Vanillublöndunni.

Markhópurinn er fyrst og fremst yngra fólk á aldrinum 16-25 ára. Markmiðið er að sýna hvernig smá Vanillublanda gerir sjeikinn þinn svo góðan að hann verður eiginlega of góður. Hugmyndin var að ramma þessa tilfinningu inn með skemmtilegum teiknuðum frásögnum af fólki sem elskar Vanillublönduna sína svo mikið að það er tilbúið að fórna heilsu sinni og æru fyrir hana á gamansaman hátt. Því að hún er einfaldlega of góð.

Fyrra verkefni
Heimsmarkmið Sameinuðu þjóðanna

Næsta verkefni
Arion framtíð

Til baka: Verkefni